farooq sattar

فاروق ستار کس اہم سیاسی جماعت میں شامل ہورہے ہیں؟یکم اپریل سے 28 مئی تک پاکستان میں کیا ہونے والا ہے؟’’سیاسی نجومی‘‘ نے بڑی بڑی پیش گوئیاں کردیں

خیرپور:سندھ کے سینئر صوبائی وزیر صنعت منظور حسین وسان نے پیش گوئی کرتے ہوئے کہا ہے کہ یکم اپریل سے 28 مئی تک ملک میں اہم فیصلے ہونے والے ہیں۔ وسان ہاؤس میں میڈیا سے بات چیت کرتے ہوئے انہوں نے کہا کہ ویسے بھی ملک میںاپریل کا مہینہ سیاست کے حساب سے اچھا نہیں ہوتا کیوں کہ اپریل کے مہینے میں بھٹو صاحب کی شہادت ہوئی تھی ۔

منظور وسان نے ایک سوال کے جواب میں کہا کہ اگر وزیراعظم سینٹ چیئرمین کو نہیں مانتا توشاہد خان کو وزیراعظم کون مانتا ہے۔وزیراعظم کو خود نواز شریف ہی وزیراعظم نہیں مانتا۔انہوں نے متحدہ پاکستان کے سربراہ سے متعلق پیش گوئی کرتے ہوئے کہا کہ فاروق ستار پی ایس پی میں شامل ہوجائیں گے اور اس کے ساتھ ساتھ بہادر آباد کے بھی کچھ رہنما پی ایس پی میں شمولیت اختیار کریں گے۔انہوں نے کہا کہ انتخابات وقت پرنہیں ہونگیں،کچھ لوگ انتخا بات کو روکنے کے لئے بہانا بناکر عدالت میں درخواستیں دائر کرینگے۔نیب پہلے تحقیقات کرے اس کے بعد نام میڈیا پر ظاہر کرے ۔انہوں نے کہا کہ چیف جسٹس آف پاکستان اور وزیراعظم کی ملاقات کوئی نیا ایشو نہیں ہے۔پہلے چیف جسٹس وزیراعظم ہاؤس آتا تھا اب وزیراعظم سپریم کورٹ آ رہے ہیں۔ملک میں اب ملاکہڑا تیار ہے بس الیکشن ہونے کا انتظار ہے۔انہوں نے کہا کہ اب کراچی کے لوگ سکون سے سوجایا کریں کیونکہ اب کراچی روشنیوں کا شہر بن چکا ہے۔پی ایس ایل کے بعد اب دورہ وویسٹ انڈیز بھی خیر سے گذر جائیگا۔اس موقع پر پی پی پی رہنما منور وسان،ھالار وسان اور شہریار وسان بھی موجود تھے۔پی ایس ایل کے بعد اب دورہ وویسٹ انڈیز بھی خیر سے گذر جائیگا۔اس موقع پر پی پی پی رہنما منور وسان،ھالار وسان اور شہریار وسان بھی موجود تھے۔